Mga Reward ng Brave

Mga FAQ

• Pinapalitan ba ng Brave Ads ang mga ad sa web page? Ano ang hitsura ng Brave Ads?

  Hindi pinapalitan ng Brave Ads ang mga ad na bina-block ng Brave Browser sa mga web page. Sa halip, pribadong ipinapakita sa iyo ang Brave Ads, at direktang inihahatid ang mga ito mula sa browser—hinding-hindi lumalabas sa iyong device ang data mo.

  Sa ngayon, may tatlong uri ng Brave Ads: mga naka-sponsor na larawan sa mga bagong tab sa browser; naka-sponsor na card sa Brave News feed; at mga hindi madalas na notification na lumalabas habang nagba-browse ka sa web.

• Maaasahan ba ang Brave Rewards sa lahat ng platform? Ano ang mga kinakailangan sa system?

  Available ang Brave Rewards sa lahat ng desktop device (Linux, macOS, at Windows), at sa mga Android mobile device.

  Sa iOS, magagamit lang ang Brave Rewards para suportahan ang mga creator. Alamin kung bakit.

• Paano ko io-on ang Brave Rewards?

  Para i-enable ang Brave Rewards sa desktop o mobile, i-click o i-tap ang (icon ng BAT) sa address bar ng Brave Browser.

• Paano ako makakakuha ng Brave Rewards?

  Sa ngayon, puwede kang makakuha ng Brave Rewards sa pamamagitan ng pag-enable sa Brave Ads. Malapit ka nang makakuha ng Brave Rewards sa pamamagitan ng paggamit sa Brave Swap Rewards sa Brave Wallet (kung saan ang mga user ng Brave Rewards ay kikita ng 20% $BAT rebate sa mga fee sa transaksyon sa Brave Swap).

• Paano ko gagawing cash o mga gift card ang BAT? Ano pa ang magagawa ko gamit ang BAT?

  Ang functionality ng gift card ay ibinibigay sa pamamagitan ng aming partnership sa TAP Network. May mga partikular na detalye na ibinibigay sa page ng marketplace ng Brave / TAP Network.

  Puwede ring gamitin ang BAT para sa mga in-app na pagbili sa iba’t ibang Web3 application (DApps).

  At, syempre, puwedeng gamitin ang BAT para i-tip ang mga website at creator na gustong-gusto mo, bilang mga isang beses na tip bilang mga awtomatiko at umuulit na kontribusyon.

• Paano ko makikita o iwi-withdraw ang mga kinita kong mga BAT Reward?

  Matatanggap mo ang iyong mga BAT reward kada buwan. Makikita mo ang iyong balanse ng BAT at ang iyong mga paparating na kita sa pamamagitan ng pag-click o pag-tap sa (icon ng BAT) sa address bar ng Brave Browser.

  Para i-withdraw ang iyong BAT sa ecosystem ng Brave Rewards para ipapalit, o para gamitin sa iba pang secondary market at app, kakailanganin mong mag-verify bilang user ng Brave Rewards sa isa sa aming mga custodial partner. Gayunpaman, tandaan na kinakailangan lang ito kung gusto mong i-withdraw ang iyong BAT sa ecosystem ng Brave Rewards. Malaya kang kumita at mag-tip sa Brave Rewards nang hindi nagve-verify, at ito ang default na gawi para sa Brave Rewards.

• Nag-o-opt in ba para sa Brave Ads? Puwede ko bang kontrolin ang dalas o hitsura ng mga ad?

  Sa kasalukuyan, makikita ang Brave Ads sa tatlong lugar: bilang mga push notification, bilang mga sponsored card sa Brave News feed, at bilang mga sponsored image sa isang bagong tab ng browser.

  *Naka-opt in ang mga push notification ad, at puwede kang mag-opt out anumang oras, alinman sa i-disable ang mga ito o sa ilagay ang frequency sa 0 sa mga setting ng Brave Rewards. Idinisenyo ang mga push notification ad para ipakita sa tamang oras, at naka-default na ipakita nang hindi lalampas sa 5 beses bawat oras. Puwede mong baguhin ito mula 1 hanggang 10 beses bawat oras, o i-turn off ang mga ito nang tuluyan.

  • Naka-opt in ang Brave News feature, pero kung pagaganahin mo ito, magiging default ang Brave News ads. Sa puntong ito, hindi puwedeng i-disable ang mga ito at hindi mababago ang frequency ng mga ito.
  • Lalalabas ang mga sponsored image sa mga bagong tab ng Brave Browser bilang default, pero puwede mong hindi paganahin ang mga ito (sa simpleng salita, mag-opt out sa mga ito) sa Mga Setting ng browser. Para magawa ito, I-customize mo ang page ng bagong tab, at i-toggle ang ipakita ang mga sponsored image. (Puwede kang makahanap ng katumbas na mga setting para huwag paganahin ang mga sponsored image sa iOS at Android sa menu ng mga settings ng browser.)

• Ano ang isang content creator? Kagaya ba iyon ng publisher?

  Ang isang content creator ay isang taong gumagawa ng kanyang sariling content sa iba pang platform, sa ilang sitwasyon, para sa mga subscriber, ngunit sa iba, para sa ganap na publikong audience. Kapag sinabing “mga platform” ang tinutukoy namin ay ang mga site tulad ng YouTube, Twitch, Instagram, at marami pa.

  Sa pangkalahatan, ang isang publisher ay isang kumpanya o organisasyon na nagpa-publish ng kanilang sariling content sa kanilang sariling mga website. Kadalasan, ang mga publisher ay mga news outlet tulad ng New York Times o TechCrunch, ngunit hindi palagi.

  Bagama’t ang parehong grupo ay puwedeng makabenepisyo sa pagbibigay ng tip sa Brave Rewards, partikular na kapaki-pakinabang ito para sa komunidad ng mga creator. Ang feature na Rewards ay nagbibigay-daan sa mga user ng Brave na suportahan mismo ang mga content creator, gamit ang BAT.

• Ano ang ibig sabihin ng pagsuporta sa mga creator? Ano ang pagbibigay ng tip, at ano ang awtomatikong kontribusyon?

  Puwedeng gamitin ng mga user ng Brave Rewards ang naipong BAT para mag-tip sa mga rehistradong content creator. Magagawa nila ito sa dalawang paraan: sa pamamagitan ng mga isang beses na tip, o bilang mga buwanang awtomatikong kontribusyon. Puwede kang matuto pa sa aming page ng instruction.

  Puwedeng “i-redeem” ng mga rehistradong creator ang BAT na natanggap nila sa parehong paraan na magpapapalit sila para sa cash o iba pang crypto asset. Puwedeng gamitin ng mga content creator ang aming mga custodial wallet service partner para i-convert ang BAT na kinikita nila sa gusto nilang currency.

• "Naka-personalize" ba ang Brave Ads? Nangongolekta ba ang mga ito ng data tungkol sa akin?

  Ang Brave Ads ay hindi nangongolekta ng impormasyon tungkol sa iyo. Bagama’t ang pag-advertise ng Big Tech ay umaasa sa mga kumpanyang nangongolekta ng impormasyon tungkol sa iyo, at naglilipat ng data na iyon papunta sa kanilang mga server, sa pamamagitan ng Brave Rewards, direktang nangyayari sa iyong device ang pagtutugma ng ad. Hinding-hindi lumalabas sa iyong device ang aktibidad mo sa pag-browse.

  Lokal na pumipili ang Brave Rewards kung aling mga pribadong ad ang ipapakita sa iyo batay sa iyong aktibidad sa pag-browse. Pagkatapos, gumagamit ang Brave ng anonymous na proseso sa accounting para magkumpirma ng aktibidad ng event ng ad, mapanatiling pribado ang mga personal na detalye, at matiyak na makakakuha ng reward ang mga tao para sa pagbibigay nila ng atensyon.

  Ibig sabihin nito, bagama’t ang Brave Ads ay ipinapakita batay sa iyong aktibidad sa pag-browse, hindi nakikita ng Brave ang pagtutugmang ito: nangyayari lang ito sa device mo, at walang nakakarating na personal na data sa mga server ng Brave. Hindi alam ng Brave o ng mga advertiser kung sino ka o kung ano ang tinitingnan mo online.

• Ilang % ng kita sa ad ang ibinabahagi ng Brave sa mga user?

  Isinasapriyoridad ng Brave ang mga user, at ibig sabihin, direkta naming ibinabahagi sa mga user ang anumang kinikita namin sa ad. Ang buong 70% ng kinikita ng Brave sa pamamagitan ng mga hindi mapanghimasok na ad na nagpapanatili ng privacy ay direktang ibinabahagi pabalik sa mga user bilang Brave Rewards. Hinihikayat ng Brave ang mga user na magbahagi sa mga publisher at content creator ng porsyon ng kanilang mga kinikita, ngunit hindi ito kinakailangang gawin.

• Hindi ako nakatira sa US. Saang mga bansa available ang Brave Ads?

  Available ang Brave Ads sa karamihan ng mga bansa, at patuloy kaming nagsisikap na makapagbigay ng suporta sa mas marami pang rehiyon.

• Paano naiiba ang Brave Wallet sa Brave Rewards?

  Ang Brave Rewards ay nauugnay sa Brave Private Ads. Ang mga user ng Brave Browser na mag-o-opt in sa Brave Rewards ay makakakita ng mga ad na nagpapanatili ng privacy sa ilang partikular na lokasyon habang nagba-browse sila. Sa pamamagitan ng pag-view sa mga ad na ito, puwedeng makakuha ang mga user ng crypto token na tinatawag na Basic Attention Token (BAT).

  Ang Brave Wallet ay isang tool na nagbibigay-daan sa iyong bumili, magpadala, at mag-swap ng halos kahit anong crypto asset o NFT, ikonekta ang iba pang wallet at Web3 DApp, at sa pangkalahatan, pamahalaan ang buong crypto portfolio mo. Puwede mong i-store sa Brave Wallet ang nakuha mong BAT sa Brave Rewards, pero bukod dito hindi konektado ang dalawang feature.

• Nakarinig ako ng mga taong binabanggit ang "Brave crypto." Pareho ba iyon sa BAT?

  Kung may taong magbanggit sa Brave crypto, oo, malamang na Basic Attention Token (BAT) at / o Brave Rewards ang tinutukoy niya.